AZERCELL “QİYMƏT FƏRQİ YOX, KONTUR SAYI DAHA ÇOX” ADLI YENİ KAMPANİYAYA BAŞLAYACAQ
Azercell Telecom Birgə Müəssisəsinin mətbuat xidmətindən AZƏRTAC-a bildirmişlər ki, sentyabrın 20-dən şirkət yeni taarif cədvəli tərtib edəcək, bununla da abonentlər əvvəlki qiymətlərlə daha çox kontur payı qazanacaqlar. Belə ki, 10 min manatlıq SimSim kartı alanlar öz telefonlarına 330 yox, 360 kontur yükləyəcəklər. Müvafiq olaraq, 50 min manatlıq kartlarda konturların sayı 2 min 200 deyil, 2 min 500, 100 min manatlıq kartlarda 5 min yox, 5 min 500, 200 min manatlıq kartlarda 11 min yox, 11 min 500 kontur yerləşdiriləcəkdir. Bu yenilik nəticəsində SimSim istifadəçiləri pullarına xeyli qənaət etmiş olacaqlar.
Azercell bundan sonra da taarif strategiyasını davam etdirmək və abonentlər üçün müxtəlif güzəştlər nəzərdə tutan kampaniyaları keçirmək niyyətindədir.
Bölmənin digər xəbərləri
