“Azəriqaz”: Bu il 500 minədək sayğacın yoxlanılması planlaşdırılır
Bakı, 30 aprel, AZƏRTAC
Cari ildə 500 minədək təbii qaz sayğacının yoxlanılması planlaşdırılır.
AZƏRTAC xəbər verir ki, bu barədə jurnalistlərə müsahibəsində “Azəriqaz” İstehsalat Birliyinin Baş direktoru Ruslan Əliyev deyib.
O qeyd edib: “Ölkədə köhnə sayğacların yeniləri ilə əvəzlənməsi prosesi davam edir. Sayğacların yoxlanılması məcburi prosesdir. Çünki əhali üzrə sayğaclar 5 ildən bir dövlət yoxlamasına çıxarılır. Qeyri-əhali üzrə isə proses 3 ildən bir həyata keçirilir və hazırda proses davam edir. Əgər sayğac əvvəldən ödənişli, yəni smart tiplidirsə, sayğac dəyişdirilərkən əhaliyə seçim hüququ verilib. Cari ildə 500 min sayğacın dövlət yoxlanışına çıxarılması gözlənilir. Ötən il bu göstərici 480 min olub”.
Bölmənin digər xəbərləri
