AZƏRTAC OANA-NIN ƏN FƏAL ÜZVLƏRİNDƏN BİRİDİR
Forumda, əsasən, iki məsələ - OANA-nın Ümumdünya İnformasiya Agentlikləri Şurasında təmsil olunması və dünya informasiya məkanında rolu müzakirə edilmişdir.
Müşavirədə OANA-nın Ümumdünya İnformasiya Agentlikləri Konqresinin qərarı ilə yaradılan Şurada təmsil edilməsi barədə yekdilliklə qərar qəbul olunmuşdur. OANA yeni beynəlxalq strukturun noyabrın 12-13-də Əmmanda keçiriləcək birinci iclasına nümayəndə heyəti göndərəcəkdir.
YUNESKO-nun təşəbbüsü ilə 1961-ci ildə yaradılmış OANA-nın dünya informasiya məkanında rolu məsələsi müşavirədə geniş müzakirə edilmişdir. Bildirilmişdir ki, Asiya qitəsinin bu ən iri xəbər xidmətləri birliyi dünya informasiya məkanında öz layiqli yerini tutmuşdur. Buna təkcə belə bir fakt sübutdur ki, cari ilin yanvarından avqustunadək onun ümumi elektron səhifəsinə 750 min dəfə müraciət olunmuşdur. Forumda bildirilmişdir ki, Azərbaycanın AZƏRTAC agentliyi OANA-nın veb-saytına ən çox informasiya göndərən üç agentlikdən biridir.
Bölmənin digər xəbərləri
