Bahar Muradova: Azərbaycanda uşaqların hüquqları yüksək səviyyədə qorunur
Bakı, 17 noyabr, AZƏRTAC
Azərbaycan öz tarixi, statusu və müstəqilliyi ilə fəxr edir. Ölkəmiz qarşıda duran hədəflərə doğru inamla irəliləməkdir.
AZƏRTAC xəbər verir ki, bu fikirləri Ailə, Qadın və Uşaq Problemləri üzrə Dövlət Komitəsinin (AQUPDK) sədri Bahar Muradova “Uşaq hüquqları tribunası” mövzusunda noyabrın 17-də keçirilən konfransda səsləndirib.
Noyabrın əlamətdar hadisələrlə zəngin olduğunu diqqətə çatdıran komitə sədri bu ayın 20-də BMT dünyada Ümumdünya Uşaq Hüquqları Gününün qeyd olunacağını deyib.
Ölkəmizdə uşaqların hüquqlarının yüksək səviyyədə qorunduğunu, onların diqqət və qayğı ilə əhatə olunduqlarını vurğulayan Bahar Muradova bildirib ki, Azərbaycan Respublikası 1992-ci ildə BMT-nin “Uşaq hüquqları haqqında” Konvensiyasına, 2002-ci ildə isə həmin Konvensiyanın iki əlavə protokoluna qoşulub. 1998-ci ildə ölkəmizdə Konvensiyanın əsas prinsiplərini özündə əks etdirən “Uşaq hüquqları haqqında” Qanun qəbul edilib və ölkədə uşaq hüquqlarının təmini məqsədilə müxtəlif istiqamətlərdə davamlı olaraq zəruri tədbirlər həyata keçirilməkdədir.
Qeyd edək ki, BMT-nin “20 Noyabr - Ümumdünya Uşaq Hüquqları Günü”nə həsr edilmiş konfransda Türkiyənin müvafiq qurumlarının nümayəndələri də iştirak edirlər.
Yüzə yaxın uşağın da qatıldığı tədbirdə “Uşaqların yaşamaq hüquqları”, “Uşaqların müdafiə hüquqları”, “Uşaqların inkişaf hüquqları” və “Uşaqların iştirak hüquqları” mövzularında müzakirələr aparılacaq.
Bölmənin digər xəbərləri
