“Bakcell” “Cin Kredit” xidmətində yenilik etmişdir
Bakı, 13 oktyabr (AZƏRTAC). Azərbaycanın ilk mobil operatoru olan “Bakcell” yeni “Cin Kredit” xidmətini təqdim etmişdir.
Şirkətdən AZƏRTAC-a bildirmişlər ki, indi Cin abunəçiləri sıfır balansla əvvəlki krediti qaytarmadan iki dəfə ardıcıl olaraq 300 kontur kreditə götürə bilərlər. Lakin, üçüncü “Cin Kredit”in alınması üçün əvvəlki “Cin Kredit”lərdən heç olmazsa biri ödənilməlidir. Kreditə kontur götürmək üçün mobil telefondan *150#YES yığmaq lazımdır. Bu xidmətdən əvvəlcədən ödəmə tarif planından istifadə edən və son 3 ayda balansına ən azı toplam 5 min kontur (Bonus konturları da daxil olmaqla) yükləmiş aktiv Cin abunəçiləri istifadə edə bilərlər. Kreditdən istifadə haqqı 60 konturdur.
“Cin Kredit” xidmətində bu yeniliyi tətbiq etməklə, “Bakcell” balansında kifayət qədər konturu olmadığı halda təcili danışığa ehtiyacı olan abunəçilərin telefon danışıqlarını davam etdirməsinə şərait yaradır.
Bölmənin digər xəbərləri
