“Bakcell” “Cin Kredit” xidmətində yenilik tətbiq etmişdir
Bakı, 10 yanvar (AZƏRTAC). “Bakcell” şirkəti “Cin Kredit” xidmətində yenilik tətbiq etmişdir.
Şirkətdən AZƏRTAC-a bildirmişlər ki, yeni xidmətdən istifadə etməklə, balansında konturu olmayan aktiv Cin abunəçiləri birinci krediti ödəmədən 400 kontur məbləğində ikinci dəfə kreditə kontur götürə bilərlər. Kreditə kontur götürmək üçün mobil telefondan *150#YES düymələrini yığmaq lazımdır. Hər dəfə kreditdən istifadə haqqı 80 konturdur.
Ötən ilin oktyabr ayında “Bakcell” abunəçilərə birinci krediti ödəmədən 300 kontur məbləğində ikinci krediti almaq imkanını verən “Cin Kredit” xidmətini təqdim etmişdi. İndi bu xidmət daha da genişləndirilmiş və artıq Cin abunəçiləri bir-birinin ardınca iki dəfə 400 kontur məbləğində kredit ala bilərlər.
Bölmənin digər xəbərləri
