BAKCELL YENİ TƏHSİL LAYİHƏSİ HƏYATA KEÇİRİR
Bakcell Telecom ali məktəblərin tələbələri üçün “Təcrübə məşğələləri - 2005” layihəsinin birinci mərhələsini həyata keçirməyə başlamışdır. Layihə çərçivəsində Azərbaycan Dövlət Neft Akademiyasının Biznesin İdarəedilməsi üzrə bakalavr mərhələsinin beş tələbəsi Bakcell şirkətində bir həftəlik məşğələlərdə iştirak edəcəklər.
Bakcellin mətbuat xidmətindən AZƏRTAC-a bildirmişlər ki, tələbələr Azərbaycan Dövlət Neft Akademiyası və ABŞ-ın Corciya Dövlət Univesitetinin birgə hazırladığı proqram əsasında aparılan məşğələlərdə iştirak edəcək, şirkətin fəaliyyəti barədə ətraflı məlumat alacaq, abonentlər arasında tədqiqat layihəsi həyata keçirəcəklər. Onlara Azərbaycanda ilk dəfə Bakcellin həyata keçirdiyi GPRS platforması üzərində tətbiq olunan MMS xidmətinin üstünlükləri və imkanları haqqında da ətraflı məlumat veriləcəkdir.
Xatırladaq ki, bundan əvvəl şirkət Azərbaycan Dövlət İqtisad Universitetinin, Azərbaycan Dövlət Neft Akademiyasının və Qafqaz Universitetinin altı tələbəsinə təcrübə məşğələləri təşkil etmişdi.
Bölmənin digər xəbərləri
