BAKI BANKLARARASI VALYUTA BİRJASINDA HƏRRACLARIN YEKUNLARI
Birjanın informasiya-təhlil şöbəsindən AZƏRTAC-ın müxbirinə bildirmişlər ki, elektron hərraclarının birja sistemində (EHBS) səhər sessiyasının açılışında USD/AZN-in məzənnəsi 1 dollar üçün 0,9093 AZN-ə bərabər idi. USD/AZN T+0 aləti üzrə əqd bağlanmamışdır. Sessiyanın yekunlarına görə manatın məzənnəsi dəyişməmişdir.
EHBS-in gündüz sessiyasında USD/AZN T+0 aləti üzrə 12 milyon 940 min dollara bərabər əqd qeydə alınmışdır. Gündüz sessiyasının orta hesablanmış məzənnəsi 0,0002 bənd qalxaraq, 1 dollar üçün 0,9091 AZN olmuşdur.
Beləliklə, hər iki sessiyanın yekunlarına görə dollar alətləri üzrə hərracların ümumi həcmi 12 milyon 940 min dollar olmuşdur ki, bu da manat ekvivalenti ilə 11 764 790 AZN təşkil edir. Bir əqdə orta hesabla 1 617 500 dollar düşmüşdür.
USD/AZN T+1, T+2 və SWAP_USD/AZN alətləri üzrə tələb olmadığından dilerlər əqd bağlamamışlar.
AUR/AZN T+0 aləti üzrə 50 min avro məbləğində bir əqd qeydə alınmışdır. Avronun məzənnəsi 1,0928 AZN olmuşdur.
Banklar AUR/AZN T+1 və RUB/AZN T+0 və T+1 alətləri üzrə sifariş verməmişlər.
EHBS sistemi çərçivəsində fəaliyyət göstərən banklararası kredit bazarında market-meykerlər tərəfindən verilən sifarişlər əsasında hesablanan BakiBOR indeksi 90 günlük alətlər üzrə illik manatla 14,36 faiz, ABŞ dolları üzrə isə 14,40 faiz təşkil etmişdir.
EHBS sistemi çərçivəsində fəaliyyət göstərən banklararası kredit bazarında illik 10,5 faizlə 300 000 USD həcmində bir əqd qeydə alınmışdır. Əqdin borcalma müddəti hər əqd üzrə 30 gündür.
Bölmənin digər xəbərləri
