Bakı Fond Birjası repo əməliyyatları üzrə komissiya haqqını müvəqqəti ləğv edib
Bakı, 27 fevral, AZƏRTAC
Bakı Fond Birjası (BFB) martın 1-dən iyunun 30-dək dövlət istiqrazları və Azərbaycan Mərkəzi Bankının notları ilə repo əməliyyatlarının aparılmasına komissiya haqqı tətbiq etməyəcək.
Birjadan AZƏRTAC-a bildirilib ki, qurum tərəfindən kapital bazarında qiymətli kağızların təşviq edilməsi məqsədilə mütəmadi olaraq stimullaşdırıcı tədbirlər həyata keçirilməkdədir.
Repo əməliyyatları bazar iştirakçılarına risk və kapital mövqelərini effektiv şəkildə idarə etməyə və qısamüddətli likvidlik ehtiyaclarını ödəməyə imkan yaradır.
Bölmənin digər xəbərləri
