Bakı Limanında koronavirusla bağlı “Qaynar xətt” fəaliyyətə başlayıb
Bakı, 28 yanvar, AZƏRTAC
Bakı Limanında koronavirusla bağlı “Qaynar xətt” fəaliyyətə başlayıb.
“Bakı Beynəlxalq Dəniz Ticarət Limanı” QSC-dən AZƏRTAC-a bildirilib ki, dünya üzrə koronavirusun yayılması xəbərləri fonunda Bakı Limanı ərazisində mövcud nəzarət buraxılış məntəqələri gücləndirilmiş iş rejiminə keçib. Limana daxil olan sərnişinlər Dövlət Gömrük Komitəsinin əməkdaşları ilə birgə xüsusi avadanlıqlar vasitəsilə yoxlanılır. Liman və komitə əməkdaşları müvafiq mühafizə preparatları ilə təmin olunub, sərnişinlərin keçid məntəqələri vaxtlı-vaxtında dezinfeksiya edilir. Səhiyyə Nazirliyinin təcili tibbi yardım avtomobilləri ərazidə daim fəaliyyət göstərir.
O cümlədən qabaqlayıcı tədbirlərin görülməsi və məlumatlandırma məqsədilə (+99455) 450-78-84 nömrəli “Qaynar xətt” fəaliyyət göstərir.
Bölmənin digər xəbərləri
