Bakıda “İT-Akademiya”nın rəsmi açılışı olacaq
Bakı, 1 noyabr, AZƏRTAC
Noyabrın 5-də Elm və Təhsil Nazirliyi və İqtisadiyyat Nazirliyinin dəstəyi ilə “İT-Akademiya”nın rəsmi açılış mərasimi keçiriləcək.
Bu barədə AZƏRTAC-a Elm və Təhsil Nazirliyindən məlumat verilib.
Bildirilib ki, tədbirdə Elm və Təhsil Nazirliyinin, İqtisadiyyat Nazirliyinin nümayəndələri, "Alqoritmika" beynəlxalq proqramlaşdırma və riyaziyyat məktəbinin baş direktoru, həmçinin “İT-Akademiya”nın tərəfdaşları olan “Baku Steel Company”, Kiçik və Orta Biznesin İnkişafı Agentliyi və Azərbaycan Dövlət Neft və Sənaye Universitetinin təmsilçiləri çıxış edəcəklər.
Tədbirin ikinci hissəsində isə qabaqcıl İT mütəxəssisləri sahə ilə bağlı bilik və təcrübələrini bölüşəcək, “Sıfırdan karyera: İT sahəsində fəaliyyətə necə başlamaq olar?" və "Azərbaycanda İT-nin inkişaf perspektivləri" mövzularında müzakirələr aparacaqlar. Tədbirdə, həmçinin “İT-Akademiya” kurslarının təqdimatı olacaq və bu barədə iştirakçılara ətraflı məlumat veriləcək.
Tədbirdə iştirak üçün qeydiyyatdan keçmək lazımdır.
Bölmənin digər xəbərləri
