Bakıda karantin qaydalarını pozaraq ofisdə məclis təşkil edən şəxs həbs olunub
Bakı, 28 avqust, AZƏRTAC
Karantin rejimi qaydalarına zidd olaraq paytaxtdakı “Hollywood” restoranında məclis təşkil edilməsi ilə bağlı sosial şəbəkələrdə yayılan görüntülər Daxili İşlər Nazirliyi (DİN) tərəfindən nəzarətə götürülüb.
DİN-in mətbuat xidmətindən AZƏRTAC-a bildiriblər ki, aparılan araşdırmalarla beş nəfərlik məclisin adıçəkilən restoranda deyil, Nəsimi rayonundakı ofisdə onun icarədarı tərəfindən təşkil edildiyi məlum olub. Məclisin təşkilatçısı və iştirakçıları müəyyən edilərək barələrində qanunvericiliyə uyğun tədbirlər görülüb.
Belə ki, ofisin icarədarı İnzibati Xətalar Məcəlləsinin 211.1-ci maddəsinə əsasən Nəsimi Rayon Məhkəməsinin qərarı ilə 10 sutka həbs edilib, digər 4 nəfər isə 400 manat məbləğində cərimə olunub.
Bölmənin digər xəbərləri
