Bakıda “Multikulturalizm və özgünlük: cəmiyyətdə dəyər konsensusu axtarışında” mövzusunda maraqlı müzakirələr aparılır
Bakı, 1 noyabr (AZƏRTAC). III Bakı Beynəlxalq Humanitar Forumu çərçivəsində noyabrın 1-də “Multikulturalizm və özgünlük: cəmiyyətdə dəyər konsensusu axtarışında” mövzusunda “dəyirmi masa” keçirilir.
Tədbirdə çıxış edən Bakı Slavyan Universitetinin rektoru, professor, Azərbaycan Milli Elmlər Akademiyasının müxbir üzvü Kamal Abdulla tədbirin əhəmiyyətini yüksək qiymətləndirdi.
Tədbirdə Rumıniyanın sabiq Prezidenti Emil Konstantinesko, İSESCO-nun baş direktoru Əbdüləziz bin Osman əl-Tuveycri, Latviyanın keçmiş Prezidenti Valdis Zatlers, Serbiyanın keçmiş Prezidenti Boris Tadiç, Avropa Parlamentinin üzvü Silvan Koh-Mehrin və Rusiya Prezidentinin beynəlxalq mədəni əməkdaşlıq üzrə xüsusi nümayəndəsi Mixail Şvıdkoy çıxış etmişlər.
Natiqlər etnik azlıqlar, onların milli xüsusiyyətlərinin qorunub saxlanılması məsələsinə toxunmuşlar. Multikulturalizmi cəmiyyətin inkişafına təkan verən və münaqişələrin qarşısını alan amil kimi qiymətləndirən natiqlər onun mücərrəd ideya deyil, real fakt olduğunu vurğulamışlar.
“Dəyirmi masa” işini davam etdirir.
Bölmənin digər xəbərləri
