BAKIDA TƏBRİZ KARİKATURA RƏSSAMLARININ SƏRGİSİ AÇILMIŞDIR
AZƏRTAC-ın müxbiri xəbər verir ki, Azərbaycan karikatura evinin təşkil etdiyi sərginin açılış mərasimində Muğam Teatrının direktoru Arif Qazıyev, teatrın nəzdində Azərbaycan karikatura evinin direktoru Soltan Soltanlı, İran İslam Respublikasının Azərbaycandakı səfiri Əhəd Qəzai, Təbriz Mədəniyyət İdarəsi rəisinin müavini Məhəmməd Moinpur, Təbriz Karikatura Birliyinin müdiri Rəhim Baqqal Əsgəri, Azərbaycan Karikaturaçılar Birliyinin sədri Seyran Cəfərli çıxış edərək, ölkələrimizin mədəni əlaqələri, yaradıcılıq əməkdaşlığı, tanınmış karikaturaçı rəssamların beynəlxalq sərgilərdə iştirakı barədə, rəsmlərin mövzu aktuallığı, insani münasibətlərdə rolu və əhəmiyyətindən danışmışlar.
Sərgidə 66 müəllifin 80 əsəri nümayiş etdirilmişdir. Beynəlxalq mövzularda işlənmiş bu karikaturalarda müasir həyat, insanların daxili aləmi, sülh, barış münasibətləri öz əksini tapmışdır. Cari ilin oktyabr ayında isə Təbrizdə azərbaycanlı rəssamların sərgisi olacaqdır.
Bölmənin digər xəbərləri
