BALAKƏNDƏ KƏNDLƏRİN QAZLAŞDIRILMASINA BAŞLANILMIŞDIR
Rayon qaz istismarı idarəsinin rəisi Azad Əhmədov AZƏRTAC-ın müxbiri ilə söhbətində bildirmişdir ki, kəndlərin mavi yanacaqla təmin olunması proqramı müəyyən mərhələlərlə həyata keçiriləcəkdir. Hazırda Balakən şəhərinin ətrafında yerləşən Qullar və Mahamalar kəndlərinin qazlaşdırılmasına başlanılmışdır. Tezliklə həmin kəndlərdə 80 abonent təbii qazdan istifadə edəcəkdir. Kəndlərlə yanaşı şəhərin bir sıra idarə və müəssisələrinin də təbii qazla təmin edilməsi üçün müvafiq tədbirlər həyata keçirilir.
Müəssisədən onu da bildirmişlər ki, Balakəndə abonentlər təbii qazdan istifadə haqlarının ödənilməsində xüsusi fəallıq göstərirlər. Ödənişlər hər ay yerinə yetirilir. Rayonda təbii qazdan istifadə edən abonentlərin sayı son bir ildə iki dəfə artaraq 1250-yə çatmışdır.
Bölmənin digər xəbərləri
