Banqladeş subsidiya yükünü azaltmaq üçün elektrikin qiymətini qaldıracaq
Bakı, 27 fevral, AZƏRTAC
Banqladeş hökuməti subsidiya yükünü azaltmaq məqsədilə mart ayından etibarən elektrik enerjisinin pərakəndə satış qiymətini qaldırmaq qərarına gəlib.
AZƏRTAC “The daily star" qəzetinin saytına istinadla xəbər verir ki, Banqladeşin energetika və mineral sərvətlər naziri Nəsrul Həmid bu qərarın hökumətin yanacaq idxalına kifayət qədər subsidiya ayırmalı olduğu üçün qəbul edildiyini bildirib. Onun sözlərinə görə, gələn aydan qazın qiymətinin də artırılacağı gözlənilir.
Banqladeş Mərkəzi Bankı ötən ay istehlak qiymətlərinin davamlı olaraq yüksəlməsi səbəbindən inflyasiya proqnozunu yenidən nəzərdən keçirib.
Bölmənin digər xəbərləri
