Baş nazir: Cari ildə ölkə iqtisadiyyatında makroiqtisadi sabitlik qorunub
Bakı, 5 dekabr, AZƏRTAC
2024-2027-ci illərdə makro-fiskal çərçivənin parametrləri büdcə qaydasının ortamüddətli lövbərlərinə əsaslanaraq hazırlanıb.
AZƏRTAC xəbər verir ki, bunu Baş nazir Əli Əsədov parlamentin dekabrın 5-də keçirilən plenar iclasında çıxışı zamanı deyib.
Baş nazir bildirib ki, postpandemiya dövründən sonra milli iqtisadiyyatın artım tempi bərpa olunsa da, qlobal iqtisadiyyatda qeyri-müəyyənliklər, geosiyasi vəziyyət, beynəlxalq maliyyə mühitində sərtləşmələr ölkə iqtisadiyyatı qarşısında yeni çağırışlar formalaşdırır: “2024-cü ilin dövlət büdcəsi tərtib olunarkən hazırkı reallıqlar, problem və çətinliklər, habelə ən aktual qlobal çağırışlar nəzərə alınıb”.
Əli Əsədov qeyd edib ki, cari ilin ötən dövründə ölkə iqtisadiyyatında makroiqtisadi sabitlik qorunub, qeyri-neft qaz sektoru hesabına iqtisadi artım təmin edilib, inflyasiya tempi azalıb, tədiyyə balansında profisit olub.
Bölmənin digər xəbərləri
