Başqalarını yoluxdurmaq təhlükəsi olan şəxs karantin rejimini pozursa, o, cinayət məsuliyyəti daşıyır
Bakı, 12 iyun, AZƏRTAC
Sərtləşdirilmiş karantin rejimi zamanı qaydaları pozan şəxslər inzibati məsuliyyətə cəlb olunurlar. Polisin qanuni tələblərinə məhəl qoymayan və riayət etməyən şəxslər polis bölməsinə aparıla bilər.
AZƏRTAC xəbər verir ki, bu barədə iyunun 12-də Nazirlər Kabineti yanında Operativ Qərargahın təşkil etdiyi mətbuat konfransında Baş Dövlət Yol Polisi İdarəsinin ictimaiyyətlə əlaqələr şöbəsinin rəisi, polis polkovniki Kamran Əliyev bildirib.
Kamran Əliyev qeyd edib ki, İnzibati Xətalar Məcəlləsinə əsasən, karantin rejimini pozanlara inzibati cərimələr tətbiq olunur. Başqalarını yoluxdurmaq təhlükəsi olan şəxs karantin rejimini pozursa, başqa adama virus yoluxdurarsa və bu təsdiqini taparsa, o şəxs artıq cinayət məsuliyyəti daşıyır. Karantin qaydalarını pozan şəxs əgər polisə müqavimət göstərirsə, qanunun tələblərinə uyğun olaraq həmin şəxs yaxınlıqdakı polis bölməsinə aparılır. Həmin bölmədə qanunvericiliyin tələblərinə uyğun məsuliyyət növü tətbiq olunur.
Bölmənin digər xəbərləri
