Başqırdıstanda Ulu Öndər Heydər Əliyevin 100 illik yubileyi qeyd olunacaq
Bakı, 22 may, AZƏRTAC
Rusiya Federasiyasının Başqırdıstan Respublikasının Ufa şəhərində Ümummilli Lider Heydər Əliyevin 100 illik yubileyinə həsr olunmuş tədbir təşkil olunacaq.
Azərbaycan Milli Məclisinin Mətbuat və ictimaiyyətlə əlaqələr şöbəsindən AZƏRTAC-a bildirilib ki, bununla əlaqədar olaraq parlamentin deputatı Sabir Hacıyev mayın 23-də Ufa şəhərinə yola düşəcək.
Səfər çərçivəsində Ufa Dövlət Neft Texniki Universitetində Heydər Əliyev adına auditoriyanın açılışı olacaq. Bununla yanaşı, Başqırdıstan parlamentində bir sıra görüşlərin və tədbirlərin keçirilməsi də nəzərdə tutulub.
Səfər mayın 30-da başa çatacaq.
Bölmənin digər xəbərləri
