BDU-da “Peşəkar gələcəyə doğru körpü” adlı karyera sərgisi keçiriləcək
Bakı, 17 oktyabr, AZƏRTAC
Bakı Dövlət Universitetinin (BDU) Karyera və Məzunlarla İş Mərkəzinin təşkilatçılığı ilə oktyabrın 21-də “Peşəkar gələcəyə doğru körpü” adlı ixtisaslaşmış karyera sərgisi keçiriləcək. Sərgidə ölkənin 12 nüfuzlu bankının iştirakı nəzərdə tutulur.
Bu barədə AZƏRTAC-a BDU-dan məlumat verilib. Sərginin keçirilməsində məqsəd tələbə və məzunları ölkənin aparıcı bankları ilə bir araya gətirmək, onların əmək bazarına uğurlu inteqrasiyasını təmin etməkdir.
Sərgidə tələbə və məzunların bilik və bacarıqlarının inkişaf etdirilməsi məqsədilə vörkşop və seminarların keçirilməsi, təlimlərin təşkili nəzərdə tutulub.
Sərgi saat 10:00-13:00 arasında BDU-nun əsas tədris binasında III mərtəbədə təşkil ediləcək. İştirak etmək istəyənlər oktyabrın 20-dək link vasitəsilə qeydiyyatdan keçməlidirlər.
Bölmənin digər xəbərləri
