BDU-da “Şuşa – türkdilli ölkələrin mədəniyyət paytaxtı” mövzusunda beynəlxalq konfransa hazırlıq başlanıb
Bakı, 24 may, AZƏRTAC
Bakı Dövlət Universitetinin (BDU) Tarix fakültəsinin təşkilatçılığı ilə noyabrda “Şuşa - türkdilli ölkələrin mədəniyyət paytaxtı” mövzusunda beynəlxalq elmi konfrans keçiriləcək. Fakültədə həmin beynəlxalq tədbirə hazırlıq işlərinə başlanılıb.
Bu barədə AZƏRTAC-a müsahibəsində BDU-nun Tarix fakültəsinin elmi işlər üzrə dekan müavini dosent Kəmalə Nəcəfova məlumat verib. K.Nəcəfova bildirib ki, beynəlxalq tədbirdə mədəniyyət paytaxtımız olan Şuşanın tarixi, mədəniyyəti, memarlıq və tarixi abidələri, coğrafi mövqeyi və s. ilə bağlı görkəmli alim və tədqiqatçıların ümumilikdə 50-dək elmi məruzələri dinləniləcək, müzakirələr aparılacaq.
Azərbaycan, Türkiyə, Özbəkistan, Qazaxıstan, Qırğızıstan, Pakistan, Macarıstan və digər ölkələrdən olan alimlərin iştirak edəcəkləri konfransı keçirməkdə məqsəd Şuşanın tarixi və mədəniyyətini daha geniş tədqiq və təbliğ etməkdir.
Bölmənin digər xəbərləri
