Bərdə rayonunda polisə yalan məlumat verən şəxs saxlanılıb
Bakı, 20 noyabr, AZƏRTAC
Bərdə rayonunda polisə yalan məlumat verən şəxs polis əməkdaşları tərəfindən həyata keçirilmiş müvafiq tədbirlər nəticəsində müəyyənləşib.
Daxili İşlər Nazirliyinin mətbuat xidmətinin Bərdə regional qrupundan AZƏRTAC-a bildirilib ki, Tovuz rayon sakini Daşqın Ələsgərov noyabrın 19-u səhər 06:30 radələrində Bərdə Rayon Polis Şöbəsinə müraciət edərək rayon ərazisində “Mal bazarı” adlanan ərazidə olarkən iki naməlum şəxsin ona bıçaqla xəsarət yetirməsi və 11 min manat məbləğində pulunu aparması barədə məlumat verib.
Məlumatla əlaqədar müvafiq araşdırmalara başlanıb. D.Ələsgərovun 11 min manat məbləğində borclu olduğu, borcu qaytarmamaq üçün isə naməlum şəxslərin ona xəsarət yetirməsi və pulu qaçırması barədə yalan məlumat verdiyi keçirilən əməliyyat-istintaq tədbirləri nəticəsində müəyyənləşib.
Faktla bağlı Bərdə Rayon Polis Şöbəsi tərəfindən araşdırmalar davam etdirilir.
Bölmənin digər xəbərləri
