BƏRDƏDƏ ZONA MÜŞAVİRƏSİ KEÇİRİLMİŞDİR
AZƏRTAC-ın müxbiri xəbər verir ki, Kənd Təsərrüfatı Nazirliyinin Baş Baytarlıq İdarəsi Bərdədə zona müşavirəsi keçirmişdir.
Tədbirdə respublikanın 15 rayonunun baş baytar həkimləri, baytarlıq laboratoriyalarının müdirləri, mütəxəssislər iştirak etmişlər. Zona müşavirəsində ötən ilin yekunları və 2007-ci ildə qarşıda duran vəzifələr müzakirə olunmuşdur. Baş Baytarlıq İdarəsinin rəisi İsmayıl Həsənovun və respublika baytarlıq laboratoriyasının direktoru Elman Aslanovun məruzələri dinlənilmişdir.
Müşavirədə quş qripi ilə bağlı maarifləndirmə işinin aparılması, monitorinqlərin keçirilməsi tövsiyə olunmuş, iştirakçıları maraqlandıran çoxsaylı suallara cavab verilmişdir.
Bölmənin digər xəbərləri
