BƏRK MƏİŞƏT TULLANTILARININ QANUNAMÜVAFİQ QAYDADA İDARƏ OLUNMASI VƏZİYYƏTİ YOXLANILMIŞDIR
Bakı, 23 avqust (AZƏRTAC). Ekologiya və Təbii Sərvətlər Nazirliyi (ETSN) və Daxili İşlər Nazirliyinin əməkdaşları Sumqayıt şəhəri Xəzər sahili ərazidə bərk məişət tullantılarının qanunamüvafiq qaydada idarə olunması vəziyyətini yoxlamaq məqsədi ilə reydlər keçirmişlər.
ETSN-dən AZƏRTAC-a verilən məlumata görə, Sumqayıt şəhəri Sumqayıt-Novxanı dənizkənarı yolunun sağ hissəsində, S.Əliyev və Sahil küçələri ərazilərində tullantıların qalaqlanması və yandırılmasına görə Corat bələdiyyəsi hüquqi şəxs qismində inzibati qaydada 7000 manat məbləğində cərimə olunmuşdur. Sumqayıt şəhəri dənizkənarı ərazidə olan iaşə obyektlərində formalaşan tullantıların müvafiq qaydada idarə olunmamasına görə Sumqayıt şəhər “Təmizlik Departamenti” MMC hüquqi şəxs qismində inzibati qaydada 7000 manat məbləğində cərimə edilmişdir.
Sumqayıt şəhəri Xəzər sahili ərazidə bərk məişət tullantılarının müvafiq qaydada idarə olunmamasına görə “Səma”, “Əl-Əmrah”, “Sahil-1”, “Mirvari”, “Uğur”, “Pəribulağı” iaşə obyektlərinin iş icraçıları hər biri fiziki şəxs qismində inzibati qaydada 500 manat məbləğində cərimə olunmuşlar.
Bölmənin digər xəbərləri
