Berlinin rəmzlərindən birinin yarım əsrlik yubileyi qeyd edilir
Berlin, 3 oktyabr, AZƏRTAC
Bu gün Almaniyanın ən uca texniki memarlıq qurğusu olan Berlin teleqülləsinin yarım əsrlik yubileyi qeyd edilir.
AZƏRTAC xəbər verir ki, hündürlüyü 368 metr olan bu teleqüllə həmin göstərici üzrə Avropada dördüncü yeri tutur. Teleqüllə Almaniyanın iki hissəyə bölündüyü dövrdə Almaniya Demokratik Respublikasının paytaxtı olmuş Berlinin şərq hissəsində tikilib. Teleqüllə həm də Qərbi Berlin sakinləri üçün təbliğat xarakterli televiziya proqramları translyasiya etmək üçün nəzərdə tutulmuşdu idi. Teleqüllənin tikiləcəyi yer kimi seçilmiş Aleksanderplas meydanı 19-cu əsrin əvvəlində Berlinə səfər etmiş Rusiya imperatoru I Aleksandrın şərəfinə belə adlandırılıb.
Bu gün Brandenburq qapıları ilə yanaşı Berlin teleqülləsi də Almaniya paytaxtının rəmzlərindən biri sayılır. Hər il təxminən 1,2 milyon insan liftlə teleqüllənin kürəşəkilli müşahidə meydanına qalxır.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
