BEŞ YAŞLI AZƏRBAYCAN MƏKTƏBİ
Qazaxıstanın Pavlodar şəhərindəki Azərbaycan məktəbinin beş yaşı tamam olmuşdur. Bu münasibətlə şəhərdə fəaliyyət göstərən “Vətən” cəmiyyətində keçirilən tədbirdə cəmiyyətin rəhbərləri, valideynlər, şagirdlər iştirak etmişlər.
Cəmiyyətin sədri Cəfər Mahmudov, sədrin müavini Mayis İbrahimov, məktəbin müəllimi Elmira Zeynalova çıxış etmiş, şagirdlər Azərbaycan dilində şerlər söyləmiş, milli rəqslərimiz ifa olunmuşdur.
Elmira Zeynalova AZƏRTAC-ın müxbiri ilə söhbətində demişdir: “Bu beş il müddətində çox iş görmüşük. Onlarca uşaq məktəbdə ana dilini öyrənmiş, xalqımızın tarixi, ədəbiyyatı, incəsənəti ilə tanış olmuşlar. Şagirdlər dərs saatlarından sonra musiqimizə qulaq asır, filmlərimizə tamaşa edirlər. Yeni dərs ilində məktəbdə böyüklərdən ibarət daha bir qrup açmışıq.
Qulu Kəngərli
AZƏRTAC-ın xüsusi müxbiri
Pavlodar
Bölmənin digər xəbərləri
