“BƏŞİR” TEATRI ƏLAQƏLƏRİ GENİŞLƏNDİRİR
AZƏRTAC-ın müxbiri xəbər verir ki, Azərbaycan Teatr Xadimləri İttifaqının sədri Azər Paşa Neymət, xalq artisti, “Bəşir” teatrının rəhbəri Afaq Bəşirqızı konfransda çıxış etmişlər. Qeyd edilmişdir ki, Azərbaycan xalqının sevimli aktyoru Bəşir Səfəroğlunun adını daşıyan teatr, bu ilin yay aylarında Rusiya Federasiyasının 13 şəhərində qastrol səfərində olmuşdur. Yeddi estrada miniatüründən ibarət “Qafqazlıların Rusiyada sərgüzəştləri” tamaşası hər yerdə rəğbətlə qarşılanmışdır. Tamaşada tanınmış aktrisa Afaq Bəşirqızı ilə yanaşı Səməd Vurğun adına Rus Dram Teatrının aktyorları da çıxış etmişlər.
Teatrın uğurlu qastrol səfəri Azərbaycan ilə Rusiya arasında mədəni, dostluq əlaqələrinin genişlənməsi, RF-də yaşayan həmvətənlərimizin milli teatrımıza məhəbbətinin artması, Azərbaycan mədəniyyətinin tanınması və inkişafı baxımından əhəmiyyətli olmuşdur.
Bölmənin digər xəbərləri
