Bəxtiyar Məmmədov: Metronun “İçərişəhər” stansiyasında dönmə kamerasının inşası üzrə növbəti mərhələ icra olunur
Bakı, 20 yanvar, AZƏRTAC
Bakı metrosunun “İçərişəhər” stansiyasının yaxınlığında planlaşdırılan dönmə kamerasının inşası üzrə növbəti mühüm mərhələ icra olunur.
AZƏRTAC xəbər verir ki, bunu “Bakı Metropoliteni” QSC-nin mətbuat katibi Bəxtiyar Məmmədov açıqlaması zamanı bildirib.
Onun sözlərinə görə, hazırda ərazidə mövcud kommunikasiya xətlərinin köçürülməsi işləri həyata keçirilir.
“Proses yaşayış binalarına, obyektlərə və mövcud infrastruktura hər hansı zərərin dəyməməsi üçün xüsusi nəzarət altında aparılır. Tikinti işlərinə başlamazdan əvvəl ərazidə geoloji kəşfiyyat aparılıb, aidiyyəti qurumların iştirakı ilə müvafiq baxışlar keçirilib. İndiyədək hər hansı fövqəladə hal qeydə alınmayıb”, - deyə qurum rəsmisi əlavə edib.
Bölmənin digər xəbərləri
