“BEYLƏQAN-TAXIL” ASC FƏALİYYƏTİNİ GENİŞLƏNDİRİR
Cəmiyyətin sədri Süleyman İsmayılov AZƏRTAC-ın müxbirinə demişdir ki, ASC Daşburun taxıl tədarükü müəssisəsinin bazasında yaradılmışdır. Müəssisə Beyləqan və Füzuli rayonlarının əhalisini taxıl məhsulları ilə təmin edir. Beyləqanda gündə 40 ton, Füzuli rayonunun Böyük Bəhmənli kəndində 30 ton taxıl üyüdən dəyirman istifadəyə verilmiş, Horadiz qəsəbəsində gündəlik istehsal gücü 3 ton olan çörək sexi tikilmişdir. Müəssisənin 500 hektar əkin sahəsində taxıl, pambıq, yem bitkiləri, bostan, tərəvəz məhsulları becərilir. Həmin sahələrdə 100 nəfərdən çox işçi çalışır, 10 şəhid ailəsi himayəyə götürülmüşdür.
Bölmənin digər xəbərləri
