Beynəlxalq axtarışda olan Türkiyə vətəndaşı ölkəsinə təhvil verilib
Bakı, 3 noyabr, AZƏRTAC
Beynəlxalq axtarışda olan Türkiyə vətəndaşı həmin ölkənin səlahiyyətli orqanlarına təhvil verilib.
Bu barədə AZƏRTAC-a Baş Prokurorluqdan məlumat verilib.
Bildirilib ki, Türkiyə vətəndaşı Fayık Karaçöl həmin ölkədə qəsdən adam öldürməyə cəhd əməlini törətməkdə təqsirləndirilərək 2022-ci ildən etibarən beynəlxalq axtarışa verilib. Həmin şəxs bu ilin iyulunda ölkəmizdə müəyyənləşdirilərək barəsində həbs qətimkan tədbiri seçilib. Fayık Karaçölün verilməsinə dair Türkiyənin səlahiyyətli orqanlarının vəsatəti Azərbaycan Respublikasının Baş Prokurorluğu vasitəsilə baxılması üçün Bakı Ağır Cinayətlər Məhkəməsinə göndərilib. Sentyabrın 19-da məhkəmə “Ekstradisiya haqqında” 1957-ci il 13 dekabr tarixli Avropa Konvensiyasına əsasən, vəsatəti təmin edərək təqsirləndirilən şəxsin ekstradisiyası haqqında qərar qəbul edib.
Noyabrın 3-də təqsirləndirilən şəxs Ədliyyə Nazirliyinin Penitensiar Xidmətinin xüsusi konvoyun müşayiətilə Türkiyənin səlahiyyətli orqanlarına təhvil verilib.
Bölmənin digər xəbərləri
