BEYNƏLXALQ ENERGETİKA AGENTLİYİ XƏBƏRDARLIQ EDİR
BEA-dakı mötəbər mənbələrin məlumatına görə, hazırda sərmayə bankları nəinki fyuçer neft birjalarında, o cümlədən Londondakı Beynəlxalq Neft Birjasında və Nyu-York Əmtəə Birjasında öz məbləğinə görə çox böyük müqavilələrə malikdir, həm də Rotterdam və Sinqapur bazarlarında neftlə bağlı əməliyyatlar aparırlar. Nəticədə, onlar xam neftin birbaşa təchizatçılarına çevrilmişlər. Məsələn, “Morqan Stenli” Bankı “Yunayted Eyrlayn” aviaşirkətini yanacaqla bilavasitə təchiz edir, “Qoldman Saks” isə bu günlərdə 10 milyon barrel xam neft almışdır.
Sərmayə bankları və fondlarının dünya neft bazarına güclü axını neftin qiymətinin qalxmasına gətirib çıxarmışdır. Avropanın ən iri neft şirkətlərindən birinin məxfi sənədində deyilir ki, bir barrel neftin indiki qiymətində “ehtikar bank əlavəsi” təxminən 8 dollar təşkil edir. Buraya hazırda neft istehlakçılarının Yaxın və Orta Şərqdə mürəkkəb vəziyyətlə əlaqədar “coğrafi-siyasi risk”ə görə ödədikləri 10 dolları da əlavə etmək lazımdır.
Bölmənin digər xəbərləri
