BEYNƏLXALQ KONFRANS ÖZ İŞİNİ BAŞA ÇATDIRMIŞDIR

16.09.2004 [21:27]
Çap et
A⁺ A^-

“Auditor xidməti haqqında” Azərbaycan Respublikasının qanununun 10 illiyinə və “Keçid iqtisadiyyatı ölkələrində auditin inkişaf problemləri”nə həsr edilmiş beynəlxalq elmi-praktik konfrans sentyabrın 16-da öz işini Azərbaycan Auditorlar Palatasında davam etdirmişdir.

Konfransın ikinci iş günündə Türkiyə audit təşkilatının (TÜRMOB) baş direktoru Mehmet Timur, İstanbul Universitetinin profesoru Yaqub Servi, Gürcüstan Parlamenti nəzdində Auditorlar Şurasının sədri Nodar Çibadze, Qazaxıstan Auditorlar Palatasının sədri Sapar Xoşkinbayev, Yamayka Respublikası Daxili Auditorlar İnstitutunun prezidenti Robinson Barrinqton, “Prıcevvaterhouse Coopers Eastern Europe B.V.” Şirkətinin Bakıdakı nümayəndəliyinin təmsilçisi Nikolas Blauer çıxış edərək öz ölkələrində auditin mövcud vəziyyəti, inkişafı və problemlərindən danışdılar.

Konfransda audit sahəsində beynəlxalq təcrübəyə dair fikir mübadiləsi aparıldı.

Konfrans iştirakçıları adından Azərbaycan Respublikasının Prezidenti İlham Əliyevə müraciət qəbul edildi. Azərbaycan Auditorlar Palatasının sədri Vahid Novruzov konfransa yekun vurdu.

Konfrans iştirakçıları Bakının tarixi abidələri, görməli yerləri ilə tanış oldular.

Bununla da beynəlxalq konfrans öz işini başa çatdırdı.