“BEYNƏLXALQ MALİYYƏ-İQTİSADİ İNKİŞAF MƏRKƏZİ” AZƏRBAYCANA GƏLMİŞDİR
Tədbiri iqtisadi inkişaf naziri Heydər Babayev açaraq bildirmişdir ki, korporativ sifarişçilərin daxili xidmət bazarında 15 ildən artıqdır fəaliyyət göstərən “BMİİM” dinamik inkşaf edən şirkətlər qrupudur. Holdinq 250-dək təhsil proqramı həyata keçirir. Qeyd olunmuşdur ki, seminarlar, konfranslar və biznes-dərslər “İdarəetmə”, “Mühasibat uçotu”, “Maliyyə”, “Qanunvericilik” və “Kadrlar” bölmələri üzrə qruplaşdırılmışdır. Qrupun nəşriyyat fəaliyyəti də genişdir. O, öz abunəçilərinə 22 ixtisaslaşdırılmış nəşr, o cümlədən “Vergi mübahisələri”, “Müasir ofis”, “Kadrlar şöbəsi işçisi üçün məlumat kitabçası”, “Kiçik müəssisə rəhbəri üçün məlumat kitabçası” və sairə təklif edir. Mərkəz vergi, mühasibat uçotu, audit və konsaltinq sahələrində dünya standartlarına cavab verən müasir texnologiyalardan istifadə edir. Şirkət audit yoxlamaları, vergi sahəsində, mühasibat uçotu, vergi ödənişlərinin optimallaşdırılması, iqtisadi təhlil, biznes-planların və idarəetmə uçotunun tərtibi üzrə məsləhətləşmələr keçirir, məhkəmə və vergi orqanlarında sifarişçilərin maraqlarını qoruyur.
Sonra Dövlət Sosial Müdafiə Fondunun sədri S.Müslümov, “BMİİM”-in baş direktoru M.Mejanski, Rusiyanın Azərbaycandakı müvəqqəti işlər vəkili P.Burdıkin və başqaları çıxış edərək, belə nüfuzlu şirkətlərin Azərbaycanda təmsil olunmasının ölkə iqtisadiyyatının sabit və dinamik inkişafından xəbər verdiyini bildirmişlər.
Bölmənin digər xəbərləri
