DÜNYA
Beynəlxalq Muzeylər Günündə Qahirə muzeylərinə virtual ekskursiya təşkil edilib
![](/files/galleryphoto/2020/2/1200x630/15898197155519954499_1200x630.jpg)
![](/files/galleryphoto/2020/2/1200x630/15898197154156663373_1200x630.jpg)
![](/files/galleryphoto/2020/2/1200x630/15898197154608136166_1200x630.jpg)
![](/files/galleryphoto/2020/2/1200x630/15898197154524024636_1200x630.jpg)
Qahirə, 18 may, AZƏRTAC
Misirin Mədəniyyət Nazirliyi bu il koronavirus pandemiyası şəraitində qeyd olunan Beynəlxalq Muzeylər Günündə Qahirənin ən məşhur muzeylərinə virtual ekskursiya təşkil edib.
AZƏRTAC xəbər verir ki, ən çox maraq doğuran muzey İslam İncəsənəti Muzeyi olub. Bundan başqa, Osmanlı imperiyasının yadigarı olan Məhəmməd Əli Məscidinin və Seyid Zeynəb Məscidinin muzeyləri zəngin eksponatları ilə diqqəti cəlb edib.
Pandemiyadan əvvəl turist axınına uğrayan bu muzeylərdəki unikal eksponatlar haqqında nazirliyin saytında bələdçi vasitəsilə ətraflı məlumat verilib. Misirin Mədəniyyət, habelə Turizm və Qədim Abidələr nazirlikləri karantin rejiminin tətbiq edildiyi və ölkədə turizm sektorunun fəaliyyətini dayandırdığı bir vaxtda virtual ekskursiyalarla sivilizasiyanın beşiyi olan Misirin qədim tarixini təbliğ etməyə davam edir. Bir neçə gün əvvəl isə Qədim Misirin əzəmətli abidəsi olan Sfinks heykəli Qahirənin mərkəzi Təhrir meydanına gətirilib.
Oqtay Bayramov
AZƏRTAC-ın xüsusi müxbiri
Qahirə