“BEYNƏLXALQ NOVRUZ FESTİVALI AZƏRBAYCANDA–2008” ÇƏRÇİVƏSİNDƏ DƏYİRMİ MASA KEÇİRİLMİŞDİR
AZƏRTAC xəbər verir ki, martın 18-də Beynəlxalq Mətbuat Mərkəzində Avropa Tələbələr Forumunun Bakı nümayəndəliyinin təşkil etdiyi “Beynəlxalq Novruz Festivalı Azərbaycanda-2008” çərçivəsində dəyirmi masa keçirilmişdir.
Nümayəndəliyin rəhbəri Tural Məmmədov bildirmişdir ki, 14 ölkələrdən gəlmiş 22 nəfər gəncin iştirak etdiyi tədbirin keçirilməsində əsas məqsəd xalqımızın milli adət və ənənəsi, dəyərləri və tarixi haqqında dünya gənclərini məlumatlandırmaq və Azərbaycanı onlara tanıtmaqdır.
T.Məmmədov nəzərə çatdırmışdır ki, qonaqlar ölkəmizin tarixi abidələri ilə tanış olacaq, Bakıda təşkil ediləcək bayram tədbirlərinə qoşulacaq, həmçinin ailələrdə Novruz bayramını qeyd etməklə mədəniyyətimizi daha yaxından tanımaq imkanı əldə edəcəklər.
Dəyirmi masa iştirakçıları mövzu ətrafında geniş fikir mübadiləsi aparmışlar.
Bölmənin digər xəbərləri
