BİLƏSUVARDA 20,5 MİN HEKTAR SAHƏDƏ TAXIL SƏPİLMİŞDİR
Biləsuvar Rayon Statistika İdarəsindən AZƏRTAC-a bildirmişlər ki, bu mövsümdə 20 min 500 hektar sahəyə taxıl səpilmişdir. Bunun 6 min 529 hektarı arpa, 13 min 971 hektarı isə buğdadır. Taxılçılar görkəmli seleksiyaçı alim, akademik Cəlal Əliyevin yetişdirdiyi yüksək məhsuldar “Nurlu”, “Qılçıqsız”, “Bərəkətli” və digər buğda növlərinə üstünlük vermişlər.
Keçən il torpaq mülkiyyətçiləri 20 min 291 hektar sahədən 48 min 408 ton məhsul götürmüşlər. Bu il isə taxıl istehsalının 55 min tona çatdırılması proqnozlaşdırılır.
Bölmənin digər xəbərləri
