“BİLİK GÜNÜ”NÜ YENİ SİNİF OTAQLARINDA, BƏRPA OLUNMUŞ MƏKTƏBLƏRDƏ QARŞILAYIRLAR
X X X
Ağcabədi rayonunun Sarıcalı kəndində 15 əlavə sinif otağı inşa olunmuş, bir neçə məktəbdə əsaslı təmir və bərpa işləri aparılmışdır.
Rayon təhsil şöbəsinin müdiri Elmira Şükürova AZƏRTAC-ın müxbirinə bildirmişdir ki, Azərbaycan Respublikası Ərazilərinin Bərpası və Yenidən Qurulması üzrə Agentliyi tərəfindən son vaxtlar 15-ə yaxın orta məktəb Dünya Bankının vəsaiti hesabına bərpa olunub istifadəyə verilmiş, müasir tədris avadanlığı, o cümlədən kompüterlə təchiz edilmişlər. Rayonun 146 ümumtəhsil məktəbində 24 min 363 nəfər şagird təhsil alacaq, onların təlim-tərbiyəsi ilə 3 min 737 nəfər müəllim məşğul olacaqdır.
X X X
Yeni dərs ilində laçınlı şagirdlər üçün 480 yerlik 3 yeni məktəb binası, 18 əlavə sinif otağı tikilib istifadəyə verilmiş, 13 məktəbdə 120 milyon manatlıq təmir-bərpa işləri aparılmışdır.
AZƏRTAC-ın müxbiri xəbər verir ki, Məcburi Köçkünlərin Sosial İnkişaf Fondu tərəfindən rayonun orta məktəbləri üçün yeni binalar inşa olunmuşdur. Binəqədi rayonundakı Sulutəpə ərazisində smeta dəyəri 298 milyon manat olan yeni məktəb binası, İmanlar kənd orta məktəbi üçün 30 yerlik əlavə sinif otağı tikilmişdir. Norveç səfirliyinin köməyi ilə 20 və 28 saylı orta məktəblər üçün 16 sinif otağı tikilib istifadəyə verilmişdir.
Bölmənin digər xəbərləri
