BİR SIRA ÖLKƏLƏRİN XARİCİ İŞLƏR NAZİRLƏRİ AZƏRBAYCANA GƏLƏCƏK
AZƏRTAC Prezident Administrasiyasının xarici əlaqələr şöbəsinə istinadla xəbər verir ki, İspaniyanın, Cibutinin və Qambiyanın xarici işlər nazirləri yaxın günlərdə Azərbaycana səfər edəcəklər. Bu barədə hər üç ölkənin rəsmiləri BMT-nin 59-cu sessiyasında iştirak edən Azərbaycan Prezidenti İlham Əliyevlə görüşləri zamanı məlumat vermişlər. İspaniya rəsmisi Azərbaycanla əməkdaşlığın genişləndirilməsi niyyətində olduğunu açıqlamışdır. Qambiya tərəfi əməkdaşlığın genişləndirilməsi ilə yanaşı, ölkəsində tapılmış neft yataqlarının istismarında Azərbaycanın mütəxəssislərindən və yeni texnologiyasından istifadə etməyin onlar üçün çox faydalı alacağını xüsusi vurğulamışdır.
Bölmənin digər xəbərləri
