Birinci rübdə “Petkim”in xalis mənfəəti 132,8 milyon türk lirəsi olub
Bakı, 15 may, AZƏRTAC
“Petkim PetroKimya Holding A.Ş.”nin bu ilin ilk rübündəki xalis mənfəəti 132,8 milyon türk lirəsi təşkil edib.
AZƏRTAC şirkətə istinadla xəbər verir ki, üç ayda “Petkim”in məhsul istehsalı isə keçən ilin eyni dövrü ilə müqayisədə 2 faiz artaraq 802 min tona yüksəlib. Birinci rübdə şirkətin satışları 2,8 milyard lirə olub.
Qeyd edək ki, SOCAR 2008-ci ildə Türkiyənin ilk neft-kimya zavodu olan “Petkim” şirkətinin səhmlərinin 51 faizini 2,04 milyard ABŞ dollarına alıb. Hazırda “Petkim”in 51 faizlik səhmi SOCAR-a məxsusdur. Bu illər ərzində “Petkim”ə 800 milyon dollaradək investisiya qoyulub. Hazırda “Petkim” Türkiyənin neft-kimya məhsuluna tələbatının 18 faizini ödəyir.
Bölmənin digər xəbərləri
