“BİZİM XƏZƏR” EKOLOJİ MÜSABİQƏSİNİN QALİBLƏRİ MÜKAFATLANDIRILMIŞLAR
AZƏRTAC-ın müxbiri xəbər verir ki, Ekson-Azərbaycan Əməliyyat Şirkətinin maliyyə dəstəyi ilə Təhsil Nazirliyinin Respublika Ekoloji Tərbiyə və Təcrübəçilik Mərkəzi tərəfindən təşkil edilmiş müsabiqədə, Bakı və Sumqayıt şəhərləri də daxil olmaqla, respublikamızın 25 Xəzəryanı bölgəsindən 4 mindən çox məktəbli iştirak etmişdir. İki yaş qrupunda üç nominasiyada keçirilmiş müsabiqənin birinci turunda 1100 şagird fərqlənərək, sertifikatlarla təltif olunmuşdur.
Təhsil nazirinin müavini Elmar Qasımov mükafatlandırma mərasimində çıxış edərək, əhalinin ekoloji maarifləndirilməsi ilə bağlı ölkədə həyata keçirilən layihələrin əhəmiyyətindən danışmışdır.
Ekologiya və təbii sərvətlər naziri Hüseynqulu Bağırov ətraf mühitin qorunmasının zəruriliyindən və bununla bağlı respublikamızda həyata keçirilən tədbirlərdən söhbət açmışdır.
Sonra müsabiqədə qalib gələn şagirdlərə diplom və hədiyyələr təqdim olunmuşdur.
Bölmənin digər xəbərləri
