Boks üzrə ikiqat dünya çempionu Cənubi Afrikada öldürülüb
Bakı, 22 avqust, AZƏRTAC
İkiqat keçmiş dünya boks çempionu Zolani Tete Cənubi Afrikada güllələnərək öldürülüb. Qətl hadisəsi onun evinin qarşısında baş verib.
AZƏRTAC xarici mediaya istinadla xəbər verir ki, boksçunun meneceri faciəni təsdiqləyib. Cinayətin motivi hələ də məlum deyil.
Polisin məlumatına görə, hücum yerli vaxtla saat 18:30 radələrində baş verib. Tete qadın sərnişinlə evinin darvazasına yaxınlaşıb. Elə bu anda iki maskalı şəxs maşına yaxınlaşaraq boksçuya atəş açıb. Boksçu həyətə girməyə çalışsa da, ölümcül yaralanıb. Onun qadın yoldaşı da yaralanıb, lakin həkimlər onu xəstəxanaya aparmağı bacarıblar.
Polis araşdırmaya başlayıb.
Bölmənin digər xəbərləri
