BÖLGƏNİN TARİXİ ABİDƏLƏRİNİN ÖYRƏNİLMƏSİ DAVAM EDİR

27.07.2004 [21:40]
Çap et
A⁺ A^-

Milli Məclisin deputatı, Azərbaycan Memarlıq və İnşaat Universitetinin rektoru, professor Gülçöhrə Məmmədova bir qrup həmkarı ilə birlikdə Qax, Zaqatala və Balakən rayonlarında olmuş, bu bölgədə yerləşən Qafqaz Albaniyasının memarlıq abidələrinə, həmçinin ölkə və yerli əhəmiyyətli digər tarix və memarlıq abıdələrinə baş çəkmiş, araşdırmalar aparmışdır. Səfərin əsas məqsədi bu rayonların ərazisində yerləşən tarix və memarlıq abidələrinin mühafizəsi və bərpası ilə bağlı aparılan işlərlə yaxından tanış olmaq və ərazidəki alban abidələrinin daha dərin və kompleks şəkildə öyrənilməsini davam etdirməkdir.

AZƏRTAC-ın müxbiri xəbər verir ki, bir neçə gün davam edən səfər zamanı qonaqlar əvvəlcə Qax rayonunun İlisu, Sarıbaş, Qaxbaş, Oncallı, Qum, Ləkit və digər kəndlərində, həmçinin rayon mərkəzində yerləşən memarlıq abidələri, tarix-diyarşünaslıq muzeyi ilə yaxından tanış olmuşlar. Sonra qonaqlar Zaqatala rayonunun Yuxarı Çardaqlar, Yuxarı və Aşağı Tala, Mamrux, Muxax kəndlərində və Balakən rayonunun Katex, Mahamalar, Talalar və Qullar kəndlərində yerləşən tarix və memarlıq abidələrinə baş çəkmiş, abidələrin bərpa-mühafizə işləri ilə tanış olmuş, araşdırmalar aparmışlar.

BÖLGƏNİN TARİXİ ABİDƏLƏRİNİN ÖYRƏNİLMƏSİ DAVAM EDİR

MÜƏLLİFLƏ ƏLAQƏ

Bölmənin digər xəbərləri