Bolqarıstanın nüfuzlu “Standart” qəzetində “Nobel mükafatçıları Bakıda meqaforumda” adlı məqalə dərc olunmuşdur
Bakı, 2 noyabr (AZƏRTAC). Bolqarıstanın nüfuzlu “Standart” qəzetində “Nobel mükafatçıları Bakıda meqaforumda” adlı məqalə dərc olunmuşdur.
Məqalənin müəllifi qəzetin III Bakı Beynəlxalq Humanitar Forumunda Bolqarıstanı təmsil etmiş jurnalisti Lyubomir Mixaylovdur.
Azərbaycanın Bolqarıstandakı səfirliyindən AZƏRTAC-a bildirilmişdir ki, müəllif Forumda dünyanın müxtəlif ölkələrindən rəsmi şəxslərin, ictimai-siyasi, elm, mədəniyyət xadimlərinin, Nobel mükafatı laureatlarının, sabiq dövlət başçılarının iştirak etdiklərini yazmışdır.
Məqalədə Bakının beynəlxalq əməkdaşlıq mərkəzlərindən birinə çevrildiyi, Forumda müasir dünyamız üçün aktuallıq kəsb edən məsələlərin həllinə dair ideya və təkliflərin səsləndiyi diqqətə çatdırılmışdır.
Müəllif Azərbaycan Respublikasının Prezidenti İlham Əliyevin Forumun açılışında söylədiyi nitqin böyük maraq doğurduğunu vurğulamışdır.
Yazıda Bolqarıstanın keçmiş Prezidenti Georgi Pırvanova istinadən bildirilmişdir ki, İlham Əliyevin yenidən Prezident seçilməsi Azərbaycan xalqının dövlət başçısının siyasətinə verdiyi dəstəyin bariz göstəricisidir.
Bölmənin digər xəbərləri
