ELM VƏ TƏHSİL
Botanika İnstitutunda elmi işçilərin fəaliyyətlərinin nəticələri müzakirə olunub
Bakı, 11 may, AZƏRTAC
Botanika İnstitutunda Elmi şuranın növbəti iclası keçirilib.
İnstitutdan AZƏRTAC-a bildirilib ki, iclası Elmi şuranın sədri professor Səyyarə İbadullayeva açaraq gündəlikdəki məsələləri diqqətə çatdırıb.
İclasda institutun elmi işçilərinin son 5 ildəki elmi fəaliyyətlərinin nəticələri müzakirə olunub, həmçinin beynəlxalq indeksli elmi jurnallarda məqalələrin nəşr edilməsinə xüsusi diqqət yetirmələri tövsiyə olunub.
Elmi şuranın iclasında institutun Mikologiya şöbəsinin adının dəyişdirilməsi və həmin struktur bölmədə müvafiq dəyişikliyin aparılmasına dair müzakirələr də aparılıb.
Daha sonra gündəlikdəki digər məsələlərə baxılıb və müvafiq qərarlar qəbul edilib.
Sonda professor S.İbadullayeva iclasa yekun vuraraq qarşıda duran əsas vəzifələrin yerinə yetirilməsi istiqamətində müəyyən tapşırıq və tövsiyələrini verib.
İclasda institutun əməkdaşları Aydın Əsgərovun 75 və Fatmaxanım Nəbiyevanın 65 illik yubileyləri münasibətilə onlara Fəxri fərmanlar təqdim edilib.