BŞTİ-nin əməkdaşları üçün maliyyə savadlılığına dair təlimlər təşkil edilib
Bakı, 29 mart, AZƏRTAC
Bakı Şəhəri üzrə Təhsil İdarəsinin (BŞTİ) əməkdaşları üçün maliyyə savadlılığının artırılması istiqamətində təlimlər keçirilib.
İdarədən AZƏRTAC-a bildirilib ki, təlimlər BŞTİ və Mərkəzi Bankın birgə əməkdaşlığı çərçivəsində reallaşıb. Təlimlərin keçirilməsinin əsas məqsədi BŞTİ əməkdaşlarının maliyyə savadlılığının, iqtisadi bilik və bacarıqlarının artırılmasından ibarətdir.
Təlimlərdə maliyyə savadlılığı, pul nişanları, istehlak büdcəsinin planlaşdırılması, mövcud resurslardan qənaətlə istifadə, rəqəmsal ödənişlər, istehsal infrastrukturları və bank xidmətləri barədə təqdimatlar keçirilib, mövzular üzrə fikir mübadiləsi aparılıb.
Sonda təlim iştirakçılarının sualları cavablandırılıb.
Bölmənin digər xəbərləri
