BTC NEFT KƏMƏRİ ƏHALİDƏN DƏ QORUNMALIDIR

27.07.2004 [15:19]
Çap et
A⁺ A^-

AZƏRTAC-ın xüsusi müxbiri xəbər verir ki, BTC neft kəməri Gürcüstan sahəsinin Sxrasxaro-Kodianl kəsiyində tikinti işlərinin dayandırılmasının səbəblərindən biri Gürcüstan tərəfindən irəli sürülmüş şərtlərə əməl olunmamasıdır.

Ətraf Mühitin və Təbii Ehtiyatların Mühafizəsi Nazirliyi Lisenziya Departamenti rəisinin müavini Qiya Jorjolianinin sözlərincə, kəmər əhalidən, terrorçulardan lazımınca mühafizə olunmamışdır. Belə ki, əgər boru zədələnməsi nəticəsində Sxrasxaro-Kodiani kəsiyində neft sızarsa bu, ilk növbədə, təbii bulaqların çirklənməsinə gətirib çıxarar. Bu sahə torpağın sürüşməsi təhlükəsi gözlənilən və mürəkkəb relyefi ilə fərqlənən zona olduğundan ekoloqların diqqətini cəlb etmişdir.

Ətraf mühitin mühafizəçilərinin fikrincə, yaxın günlərdə bu istiqamətdə müvafiq tədbir görüləcəkdir.