Bu gün Misli Premyer Liqasında bir oyun keçiriləcək
Bakı, 21 sentyabr, AZƏRTAC
Bu gün futbol üzrə Misli Premyer Liqasında VII turun daha bir oyunu keçiriləcək.
AZƏRTAC xəbər verir ki, günün yeganə matçında "Turan Tovuz" öz meydanında "Araz-Naxçıvan"ı qəbul edəcək. Görüş saat 18:00-da start götürəcək.
Hazırda Tovuz təmsilçisi 14 xalla 2-ci, Naxçıvan klubu isə 10 xalla 5-ci pillədə qərarlaşıb.
Qeyd edək ki, turun ilk iki oyununda "Şamaxı" "Kəpəz"ə 2:0, "Qarabağ" isə "Neftçi"yə 4:0 hesabı ilə qalib gəlir. Tura sentyabrın 22-də keçiriləcək "Səbail" - "Sabah" və "Sumqayıt" - "Zirə" matçları ilə yekun vurulacaq.
Bölmənin digər xəbərləri
