BU İL AĞDAŞDA 900 MİN TONDAN ÇOX QABA YEM TƏDARÜK EDİLƏCƏKDİR
AZƏRTAC-ın müxbiri xəbər verir ki, hazırda 55 min baş iribuynuzlu, 70 min baş davar bəslənilən Ağdaşda bu il 900 min tondan çox qaba yem toplamaq nəzərdə tutulmuşdur. Bu, nəinki yerli tələbatı tamamilə ödəyəcək, həm də Qəbələ, Tovuz rayonlarına, habelə Gürcüstana minlərlə ton kipləşdirilmiş ot satmağa imkan verəcəkdir.
Artıq bir illik otlaqlarda yem tədarükü başa çatmışdır.
Yonca əkilmiş 6200 hektar sahədə üç dəfə biçin aparılmış, 350 min tondan çox ot tədarük olunmuşdur. Fermerlər, eləcə də yemçiliklə məşğul olan sahibkarlar dördüncü biçinə hazırlaşırlar.
Bölmənin digər xəbərləri
