Bu il Formula 1 Azərbaycan Qran-Prisinə 520 əcnəbi marşal müraciət edib
Bakı, 16 fevral, AZƏRTAC
Əcnəbi marşallar Formula 1 Azərbaycan Qran-Prisinə böyük maraq göstərirlər.
AZƏRTAC xəbər verir ki, bu sözləri “Bakı Şəhər Halqası” Əməliyyat Şirkətinin (BŞH) əməliyyatlar şöbəsinin və Bakı Marşal Klubunun rəhbəri Çingiz Mehdiyev deyib.
Ötən il Azərbaycan Qran-Prisinə 210 əcnəbi marşalın müraciət etdiyini vurğulayan BŞH rəsmisi deyib: “Bu il bu rəqəm 520 olub. Azərbaycan Qran-Prisinə beynəlxalq səviyyədə marağın artması bizi çox sevindirir”.
Qeyd edək ki, Formula 1 Azərbaycan Qran-Prisi aprelin 26-28-də Bakıda keçiriləcək.
Bölmənin digər xəbərləri
