Budapeşt Moskva və Kiyev arasında danışıqlar üçün platforma olmağa hazırdır
Budapeşt, 25 may, AZƏRTAC
Budapeşt Moskva və Kiyev arasında danışıqlar üçün platforma olmağa hazırdır.
AZƏRTAC xəbər verir ki, Macarıstan XİN-in başçısı Peter Siyyarto “Avropa İttifaqı - Mərkəzi Asiya” forumunda çıxışında deyib: “Bu müharibənin lap başlanğıcında mən hər iki tərəfə xəbər vermişdim ki, mənim ölkəm sülh danışıqları üçün yer təqdim etməyə hər vaxt hazırdır. Bu təklif hələ də qüvvədədir. Rusiya və Ukrayna nə vaxt hazır olduqlarını bildirsələr, biz bundan ötəri zəruri şərait yaratmağa hazırıq”.
Siyyarto ölkəsinin münaqişənin tezliklə bitməsində maraqlı olduğunu vurğulayıb. “Budapeşt sülh nizamlanması yolu ilə insan talelərini qorumaqda maraqlıdır. Macarıstan Ukrayna ilə həmsərhəd olan ölkədir və bu münaqişə ona baha başa gəlir”, - deyə o qeyd edib.
Vüqar Seyidov
AZƏRTAC-ın xüsusi müxbiri
Budapeşt
Bölmənin digər xəbərləri
